ការិយាល័យនគរបាលព្រហ្មទណ្ឌកំរិតស្រាលរាជធានី បង្ក្រាបក្រុមចោរឆក់ ៣នាក់ បញ្ជូនទៅតុលាការ
20-August-2018 | ដោយ ពលមនសិការ
ភ្នំពេញ ៖ លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញបានដឹកនាំកម្លាំងជំនាញស្រាវជ្រាវឃាត់ខ្លួនជនសង្ស័យ៣នាក់ព័ន្ធករណីលួចមានស្ថានទម្ងន់ទោស(ឆក់ទ្រព្យសម្បត្តិ) ចំនួន០ ករណី។ ក្រុមជនសង្ស័យត្រូវបានកម្លាំងជំនាញឃាត់ខ្លួនកាលពីថ្ងៃទី១៧ ខែសីហា ឆ្នាំ២០១៨ វេលាម៉ោង១៦និង៥០នាទី នៅចំណុចក្នុងមជ្ឈមណ្ឌលកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ករណីទី១៖ក្រុមជនសង្ស័យធ្លាប់ប្រព្រឹត្តបទល្មើសលួចមានស្ថានទម្ងន់ទោស (ឆក់ទូរស័ព្ទដៃម៉ាក IPhone6Plus ពណ៌ ខ្មៅ) នៅចំណុចមុខផ្ទះលេខ២១៩ ផ្លូវលេខ៥១ កែងផ្លូវលេខ៣០៦ ភូមិ៧ សង្កាត់បឹងកេងកងទី១ ខណ្ឌចំការមន រាជធានីភ្នំពេញ កាលពីថ្ងៃទី២៣ ខែកក្កដា ឆ្នាំ២០១៨ វេលាម៉ោងប្រហែល១៩និង៣០នាទី ពីមនុស្សប្រុសមិនស្គាល់អត្តសញ្ញាណ ជនជាតិបារាំង កំពុងដើរ ។
ករណីទី២៖ក្រុមជនសង្ស័យធ្លាប់ប្រព្រឹត្តបទល្មើសលួចមានស្ថានទម្ងន់ទោស (ឆក់ទូរស័ព្ទដៃម៉ាក IPhone6 Plus ពណ៌ ខ្មៅ) នៅចំណុចក្រោយព្រះបរមរាជវាំង ផ្លូវលេខ១៨៤កែងផ្លូវលេខ១៩ ភូមិ៩ សង្កាត់ជ័យជំនះ ខណ្ឌដូនពេញ រាជធានីភ្នំពេញ កាលថ្ងៃទី១៥ ខែមេសា ឆ្នាំ២០១៨ វេលាម៉ោងប្រហែល១៩ និង៣០នាទី។ ជនរងគ្រោះឈ្មោះ KIM SEONG HUN ភេទប្រុស អាយុ៤០ឆ្នាំ ជនជាតិកូរ៉េ ស្នាក់នៅផ្ទះសំណាក់ RS (G០១) សង្កាត់ជ័យជំនះ ខណ្ឌដូនពេញ រាជធានីភ្នំពេញ។ សម្ភារៈបាត់បង់ទូរស័ព្ទដៃម៉ាក IPhone6 Plus ពណ៌ខ្មៅ។
ករណីទី៣៖ក្រុមជនសង្ស័យធ្លាប់ប្រព្រឹត្តបទល្មើសលួចមានស្ថានទម្ងន់ទោស (ឆក់ទូរស័ព្ទដៃ) នៅចំណុចខាងលិចផ្សារបឹងកេងកង សង្កាត់បឹងកេងកងទី១ ខណ្ឌចំការមន រាជធានីភ្នំពេញ កាលពីថ្ងៃទី០៧ ខែមិថុនា ឆ្នាំ២០១៨ វេលាម៉ោងប្រហែល១៩និង៣០នាទី ពីមនុស្សប្រុសម្នាក់ជនជាតិចិន។
ករណីទី៤៖ក្រុមជនសង្ស័យធ្លាប់ប្រព្រឹត្តបទល្មើសលួចមានស្ថានទម្ងន់ទោស (ឆក់ទូរស័ព្ទដៃម៉ាក IPhone៥ ពណ៌ខ្មៅ) នៅចំណុចជិតរោងភាពយន្តលុច្ស ផ្លូវព្រះនរោត្តម សង្កាត់ជ័យជំនះ ខណ្ឌដូនពេញ រាជធានីភ្នំពេញ កាលពីថ្ងៃទី១៣ ខែមេសា ឆ្នាំ២០១៨ វេលាម៉ោងប្រហែល២២និង៣០នាទី ពីមនុស្សប្រុសម្នាក់ជនជាតិបារាំង។
លោកនាយការិយាល័យបន្តថាជនសង្ស័យទាំង៣នាក់រួមមានទី១-ឈ្មោះ ណេត ដារិទ្ធ ភេទប្រុស អាយុ១៧ឆ្នាំ ជនជាតិខ្មែរ មុខរបរជាងផ្សារដែកស្នាក់នៅផ្ទះមិនចាំលេខ ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ។ ទី២-ឈ្មោះ លី សក្ករ៉េត ហៅហ្សាន ភេទប្រុស អាយុ១៧ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅផ្ទះលេខ១៩៩៥ ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ។ទី៣-ឈ្មោះ ជិន កុសល ភេទប្រុស អាយុ១៨ឆ្នាំ ជនជាតិ ខ្មែរ សិស្សវិទ្យាល័យទួលទំពូង ស្នាក់នៅផ្ទះលេខ២៣៤ ផ្លូវលំ សង្កាត់ស្ទឹងមានជ័យ១ ខណ្ឌមានជ័យ។
វត្ថុតាងដកហូតៈ ម៉ូតូម៉ាក Suzuki Nex ពណ៌ស ផលិតឆ្នាំ ២០១៤ លេខតួ ៣១៣៣០១-លេខម៉ាស៊ីន ៣១៣៣៥៣ ពាក់ស្លាកលេខ 1FG-7181 ចាប់យកពីឈ្មោះ ណេត ដារិទ្ធ , ម៉ូតូរបស់វាម៉ាកហុងដាសេ១២៥ ពណ៌ខ្មៅ ផលិតឆ្នាំ ២០១២ ពាក់ស្លាកលេខ ក្រចេះ 1B-2385 ចាប់យកពីឈ្មោះ ជិន កុសល។
បច្ចុប្បន្នជនសង្ស័យ និងវត្ថុតាងខាងលើការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ3441
- ម្សិលមិញ16391
- សប្តាហ៍នេះ49671
- ខែនេះ164821
- ឆ្នាំនេះ164821
- សរុប20607277